لاہور: کپتان کی پالیسیوں کی پزیرائی اور بڑی کامیابی ، پاکستان ایمازون پر رجسٹرڈ سیلرز کی فہرست میں شامل ،اطلاعات کے مطابق معاون خصوصی ڈاکٹر شہباز گل کا کہنا ہے کہ پاکستان کو ایمازون پر رجسٹرڈ سیلرز کی فہرست میں شامل کرلیا گیا، انشااللہ پاکستان میں ای کامرس کے شعبے میں انقلاب آئے گا۔
الحمداللہ
پاکستان کو ایمازون پر رجسٹرڈ سیلرز کی فہرست میں باضابطہ طور پر شامل کیا گیا ہے۔
اس سے انشاء اللہ پاکستان میں ای کامرس کے شعبے میں انقلاب آئے گا
وزیر اعظم عمران خان اور ان کی ٹیم کو کریڈٹ جاتا ہے جنہوں نے اس کے لئے سخت محنت کی۔ pic.twitter.com/tMYljnjePm— Dr. Shahbaz GiLL (@SHABAZGIL) May 21, 2021
تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ پر اپنے پیغام میں کہا کہ الحمداللہ پاکستان کو ایمازون پر رجسٹرڈ سیلرز کی فہرست میں شامل کیا گیا ، اس سے انشااللہ پاکستان میں ای کامرس کے شعبے میں انقلاب آئے گا، اس کا کریڈٹ وزیراعظم اور ان کی ٹیم کو جاتا ہے جنہوں نے سخت محنت کی۔
https://twitter.com/razak_dawood/status/1395600168850952195
دوسری جانب مشیر تجارت عبد الرزاق داؤد نے کہا کہ آج ایمازون نےتصدیق کردی ہے کہ پاکستان کو ایمازون سیلر لسٹ میں شامل کیا جا چکا ہے، ایمازون سیلر لسٹ میں شامل ہونا ہماری ای کامرس کے لیے ایک بڑی کامیابی ہے، اس سے نوجوان نسل، خواتین اور کاروباری افراد کی نئی نسل کے لیے وسیع مواقع کھلیں گے۔
یاد رہے پاکستان کے مشیر تجارت رزاق داؤد نے ای کامرس سے متعلق گفتگو کرتے ہوئے کہا تھا کہ ایمازون سیلر لسٹ میں پاکستان کو ڈالنے پر رضا مند ہوگیا ہے ، ایمازون کے ساتھ پچھلے ایک سال سے بات چیت جاری تھی جس کے ثمرات اب آنا شروع ہوئے ہیں، اس اقدام سے ایس ایم ای کمپنیز، نوجوانوں اور خواتین سرمایہ کاروں کو روزگار کے مواقع ملیں گے۔