آج تک عید کے جوڑے میں امی کی پسند شامل ہوتی ہے سونیا حسین

ورسٹائل اداکارہ سونیا حسین نے ندا یاسر کے ساتھ ایک انٹرویو میں کہا ہے کہ میری امی بچپن میں مجھے اپنی پسند سے کپڑے پہناتی تھیں ، عید پر وہ مجھے جس رنگ کا جوڑا پہناتی اسی طرح کا میک اپ بھی کرتیں آنکھوں پر آئی شیڈو بھی لگاتیں . ہمیں چوڑیاں‌ پہناتیں اور ہمیں بھی عید کا انتظار ہوتا تھا کہ عید آئے ہمیں نئے جوڑے پہننے کو ملیں امی پھر ہمیں میک اپ کریں . سونیا نے کہا کہ انڈسٹری میں آنے سے پہلے تک ہر عید پر امی کی پسند کے

جوڑے پہنا کرتی تھی، اب بھی سٹائلسٹس کے ساتھ ساتھ امی کی بھی سنتی ہوں . اور امی آج بھی بتاتی ہے کہ مجھے کیا پہننا چاہیے اور کیا نہیں‌، مجھے امی کی فیشن سینس بہت اچھی لگتی ہے لہذا ان سے ضرور پوچھ لیا کرتی ہوں کہ کیا پہنوں. سونیا حسین نے کہا کہ جب ہم تیار ہوجایا کرتے تھے تو ہمیں‌عیدی ملا کرتی تھی ، اور عید ملنے کی بہت زیادہ خوشی ہوتی تھی. اگر ہمیں کسی رشتہ دار سے زیادہ عیدی ملتی تو امی لے لیا کرتی تھیں ، لیکن ہمیں کھانے پینے کی چیزیں لے دیتی تھیں.