وزیر دفاع خواجہ آصف نے افغان ترجمان کے اشتعال انگیز اور گمراہ کن بیانات پر شدید ردعمل ظاہر کرتے ہوئے کہا کہ پاکستان کی سیکیورٹی پالیسیوں اور افغانستان کے حوالے سے حکمت عملی پر قوم اور قیادت مکمل اتفاق رکھتی ہے۔
خواجہ آصف نے کہا کہ افغان طالبان حکومت بھارتی حمایت یافتہ دہشت گردی میں ملوث رہی ہے اور افغانستان میں انسانی حقوق کی خلاف ورزی کرتی ہے، جبکہ اپنی کمزور حکمرانی اور انتشار کو چھپانے کے لیے اشتعال انگیز بیانات دے رہی ہے۔انہوں نے واضح کیا کہ پاکستان کی پالیسی شہریوں کو سرحد پار دہشت گردی اور خوارج سے محفوظ رکھنے پر مبنی ہے، جو قومی مفاد اور خطے میں امن و استحکام کے فروغ کے لیے ہے.
واضح رہے کہ پاکستان اور افغانستان کے درمیان استنبول میں ہونے والے مذاکرات میں جنگ بندی جاری رکھنے پر اتفاق کیا گیا ہے، تاہم بعد ازاں افغان طالبان نے مذاکرات کے حوالے سے ایک بیان جاری کیا جسے پاکستان نے مسترد کردیا ہے۔
بی جے پی نے دہلی کا نام ’انڈرپراستھا‘ رکھنے کی درخواست کر دی
کینیڈا کے وزیر اعظم نے ٹرمپ سے اشتہار پر معافی مانگ لی