بھارتی کرکٹ پریزینٹر ریدھیما پٹھک نے بنگلادیش پریمیئر لیگ (بی پی ایل) سے نکالے جانے سے متعلق گردش کرنے والی خبروں پر خاموشی توڑ دی ہے۔
حال ہی میں یہ دعوے سامنے آئے تھے کہ بنگلادیشی فاسٹ بولر مستفیض الرحمان کو انڈین پریمیئر لیگ (آئی پی ایل) سے نکالے جانے کے بعد، ردعمل کے طور پر ریدھیما پٹھک کو بھی بی پی ایل سے ہٹا دیا گیا ہے۔
تاہم ریدھیما پٹھک نے ان خبروں کی واضح تردید کرتے ہوئے کہا ہے کہ گزشتہ چند گھنٹوں سے سوشل میڈیا اور بعض حلقوں میں یہ تاثر پھیلایا جا رہا ہے کہ انہیں بی پی ایل سے ڈراپ کر دیا گیا ہے، جو حقائق کے منافی ہے۔
ان کا کہنا تھا کہ ایسی رپورٹس بے بنیاد ہیں اور حقیقت سے کوئی تعلق نہیں رکھتیں۔
بھارتی کرکٹ پریزینٹر ریدھیما پٹھک نے بی پی ایل سے اخراج کی خبروں پر وضاحت جاری کر دی
