لاہور( )آزاد کشمیر انتخابات میں حلقہ ایل اے 37 جموں فورنارووال سے مرکزی مسلم لیگ کی حمایت یافتہ جموں کشمیر یونائیٹڈ موومنٹ کے امیدوار عثمان علیم کی انتخابی مہم کے سلسلہ میں لوہارہ میںمنعقدہ جلسہ سے خطاب کرتےہوئے رہنماؤں نے کہا ہے کہ عوام ظلم، ناانصافی اور فرسودہ سیاسی نظام کے خلاف اپنے حقوق کی جنگ لڑنے کے لیے متحد ہو چکے ہیں،جلسہ میں لوہارہ اور گردونواح سے عوام کی بڑی تعداد کی شرکت اس بات کا واضح ثبوت ہے کہ لوگ تبدیلی چاہتے ہیں اور اپنے ووٹ کی طاقت سے فیصلہ کرنے کے لیے تیار ہیں،2 اگست کو کرسی کی جیت ان شاء اللہ یقینی ہے
لوہارہ میں منعقدہ جلسہ عام میں شہری بڑی تعداد میں شریک ہوئے اور عثمان علیم کے حق میںنعرے لگائے، انتخابی جلسہ سے سابق وفاقی وزیر چوہدری دانیال عزیز،ڈاکٹر مزمل اقبال ہاشمی، پیر سید اعجاز الحسن شاہ، چوہدری محمود ،عرفان مہیس،عثمان علیم و دیگر نے خطاب کیا،دانیال عزیز کا کہنا تھا کہ عوام ووٹ کی طاقت سے مخالفین کو سیاسی شکست دیں، مخالفین کا نعرہ “اک واری فیر شیر” نہیں بلکہ “اک واری فیر فارم 47” ہے،پہلے ان کے خلاف جھوٹے مقدمات قائم کیے گئے، مگر اب نہ مقدمات بن رہے ہیں اور نہ ہی فارم 47 میسر آ رہا ہے، اس لیے مخالفین پانی کے بغیر مچھلی کی طرح تڑپ رہے ہیں ، نارووال میں ترقی کے دعوے زمینی حقائق سے مطابقت نہیں رکھتے،یہ کہتے ہیں کہ تمام راستے محفوظ ہیں، جبکہ حقیقت یہ ہے کہ احسن اقبال کے شہر نارووال میں 2026 میں بھی لوگ کشتیوں پر سفر کرنے پر مجبور ہیں ،ڈاکٹر مزمل اقبال ہاشمی کا کہنا تھا کہ دانیال عزیز نے نارووال شہر میں بڑی تبدیلی کا آغاز کیا ہے، حقیقت بات یہ ہے کہ جس طرح نارووال کے لوگوں نے ہمیشہ آگے بڑھ کا ملک کا دفاع کیا اسی طرح نارووال سے ہی تبدیلی کا آغاز ہوا، تبدیلی آ کر رہے گی، عوام کا راج ہو گا، عوام جاگے گی ،آگے بڑھے گی تو حالات بدلیں گے ،نارووال کے کاغذی شیر 2 اگست کو کہیں نظر نہیں آئیں گے،پیر سید اعجاز الحسن شاہ، چوہدری محمود ،عرفان مہیس،عثمان علیم و دیگر کا کہنا تھا کہ اب عوام باشعور ہو چکی ہے اور اپنے مستقبل کا فیصلہ خود کرے گی۔ ایل اے 37 جموں فور نارووال میں عوام بھرپور اتحاد کا مظاہرہ کرے گی ،عثمان علیم کی کامیابی کے لئے عوام کو جوش و خروش قابل تحسین ہے،2 اگست کو کرسی پر مہر لگا کر عثمان علیم کو کامیاب کروائیں اور خدمت کی سیاست کو یقینی بنائیں،