جماعت اسلامی پاکستان نے پیٹرولیم لیوی اور مہنگے پیٹرول کے خلاف احتجاجی دھرنوں کی تاریخ تبدیل کرتے ہوئے ملک گیر دھرنے 16 اگست کو کرنے کا اعلان کردیا۔
امیر جماعت اسلامی پاکستان حافظ نعیم الرحمان کی زیر صدارت ہونے والے اجلاس میں فیصلہ کیا گیا کہ 9 اگست کو ہونے والے احتجاجی دھرنے یوم آزادی کی تقریبات کے باعث ملتوی کیے جائیں گے، اب یہ دھرنے 16 اگست کو منعقد ہوں گےاجلاس میں یوم آزادی کی تقریبات کو بھرپور انداز میں منانے کا فیصلہ بھی کیا گیا، جس کے پیش نظر احتجاجی سرگرمیوں کو ایک ہفتے کے لیے آگے بڑھایا گیا ہے۔
حافظ نعیم الرحمان نے کہاکہ گزشتہ روز ملک بھر میں 510 سے زائد مقامات پر پُرامن احتجاج کیا گیا، جس میں عوام نے پیٹرولیم لیوی کو مسترد کردیاپورا پاکستان پیٹرولیم لیوی اور مہنگے پٹرول کے خلاف ایک آواز بن چکا ہے، جبکہ عوام کا مطالبہ ہے کہ پٹرول کی قیمت 225 روپے فی لیٹر مقرر کی جائے 16 اگست سے چاروں صوبوں میں بیک وقت دھرنوں کا آغاز کیا جائے گا۔
حافظ نعیم الرحمان کا کہنا تھا کہ لاہور میں وزیر اعلیٰ ہاؤس جبکہ سندھ، بلوچستان اور خیبر پختونخوا میں گورنر ہاؤسز کے باہر احتجاجی دھرنے دیے جائیں گےاحتجاج کے ذریعے حکمرانوں کو عوام دشمن فیصلوں سے پیچھے ہٹنے پر مجبور کیا جائے گا جماعت اسلامی نے آئی پی پیز کے خلاف بھی جدوجہد کی اور حکومت کو مذاکرات کی میز پر آنے پر مجبور کیا، جس کے نتیجے میں آئی پی پیز کے ساتھ مذاکرات کے بعد بجلی کی قیمتوں میں کمی ہوئی۔