سندھ ہائی کورٹ نے نگران دور حکومت میں سندھ سے افغان مہاجرین کی بے دخلی کیخلاف درخواست پردرخواستگزاراور وکیل درخواست گزار کو طلبی کا نوٹس جاری کرئے ہوئے سماعت غیر معینہ مدت تک کے لیے ملتوی کردی ہے۔
باغی ٹی وی کی رپورٹ کے مطابق سندھ ہائیکورٹ میں نگران دور حکومت میں سندھ سے افغان مہاجرین کی بے دخلی کیخلاف درخواست کی سماعت ہوئی۔سماعت کے دوران درخواستگزاراور وکیل غیر حاضر رہے ۔عدالت نے درخواستگزار اور وکیل درخواست گزار کو طلبی کا نوٹس جاری کرتے ہوئے سماعت غیر معینہ مدت تک ملتوی کردی۔درخواست شیما کرمانی اور دیگر نے افغان باشندوں کی بے دخلی کیخلاف دائر کی تھی۔ درخواست میں موقف اپنایا گیا تھا کہ عدالت حکومت سندھ سے پوچھ سکتی ہے کہ افغان شہریوں کی بیدخلی کیلیے کیا میکنزم بنایا گیا ہے۔ سندھ حکومت نگران ہے وہ فیصلہ نہیں کرسکتی۔ افغان مہاجرین کو سننے کا حق دینا چاہئے، سندھ ہائیکورٹ حکم نامہ جاری کرسکتی ہے۔
غیر سیاسی خاتون کے پاکستان پر حملے سے حیران رہ گئی، مریم نواز