عالمی سطح پر سونے کی قیمت میں بڑا اضافہ

عالمی مارکیٹ میں سونے کی قیمت میں آج بھی اضافے کا رجحان ہے۔

سونے کی فی اونس قیمت 5600 ڈالر کی ریکارڈ سطح کے قریب پہنچ گئی گزشتہ روز عالمی مارکیٹ میں سونے کی فی اونس قیمت 5293 ڈالر تھی،عالمی سطح پر جغرافیائی کشیدگی، معاشی غیر یقینی صورتحال اور سرمایہ کاروں کی محفوظ سرمایہ کاری کی تلاش کو اس اضافے کی بڑی وجہ قرار دیا گیا ہے۔

بھی قومی و عالمی سطح پر بلند ترین سطح پر پہنچ چکی ہے، آج عالمی سطح پر چاندی کے نرخ 120 ڈالر فی اونس کے قریب ہیں،گزشتہ روز پاکستان میں پہلی بار فی تولہ قیمت میں 21 ہزار سے زائد کا اضافہ ہوا ہے جس کے بعد قیمت 5 لاکھ 51 ہزار 961 روپے کی ریکارڈ سطح پر پہنچ گئی۔

اس ہفتے کے آغاز میں سونے کی قیمت پہلی بار 5,000 ڈالر سے تجاوز کی اور اب تک اس میں 10 فیصد سے زائد کا اضافہ ہو چکا ہے ماہرین کے مطابق مضبوط محفوظ پناہ گاہ کی مانگ، مرکزی بینکوں کی خریداری، اور ڈالر کی کمزوری اس تیزی کی بنیادی وجوہات ہیں۔

بزنس ریکارڈ کے مطابق او سی بی سی کے تجزیہ کاروں نے کہا ہے کہ سونا اب محض بحران یا مہنگائی کے خلاف حفاظتی اثاثہ نہیں رہا بلکہ اسے ایک قابل بھروسہ اسٹور آف ویلیو کے طور پر دیکھا جا رہا ہے جو مختلف معاشی حالات میں سرمایہ کاروں کو متنوع فوائد فراہم کرتا ہے۔