امریکا کی ریاست فلوریڈا میں عمارت گرنے سے ہلاک ہونے والے افراد کی تعداد 10 ہوگئی۔
باغی ٹی وی : فلوریڈا میں عمارت گرے 5 روز گزر گئے، 150 افراد تاحال تلاش نہ کیے جاسکے ملبے تلے ممکنہ طور پر دبے 150 افراد کے زندہ بچنے کی امیدیں دم توڑنے لگیں-
انجینئرز کا دعویٰ ہے کہ 13 منزلہ عمارت کی بنیادیں کمزور ہونے کے سبب حادثہ پیش آیا۔
میامی کے میئر کا کہنا ہے کہ حادثے کے مقام پر ریسکیو آپریشن جاری ہے، سینکڑوں ریسکیو ٹیمیں اسٹینڈ بائے پر بھی ہیں جبکہ اسرائیل اور میکسیکو سے بھی ماہرین ریسکیو آپریشن میں حصہ لے رہے ہیں۔
وائٹ ہاؤس کی ترجمان کے مطابق امریکا کے صدر جوبائیڈن چاہتے ہیں کہ عمارت گرنے کے واقعے کی مکمل تحقیقات کی جائے۔
واضح رہے کہ جمعرات عمارت گرنے کا واقعہ میامی کے علاقے سرف سائیڈ ٹاؤن میں پیش آیا۔ جب عمارت گری تو اس وقت اکثر مکین سو رہے تھے۔ عمارت جزوی طور پر گرنے سے چار افراد ہلاک اور 159 لاپتہ ہوئے تھے۔ لاپتہ افراد میں سے اکثر کے ملبے تلے دبے ہونے کا اندیشہ ہے۔