امریکی وزیر دفاع لائیڈ آسٹن نے کہا ہے کہ ایران کی حمایت یافتہ دہشت گرد گروپوں کے خلاف اسرائیل کے حق دفاع کی بھرپور حمایت کرتے ہیں۔ پنٹاگون کی جانب سے جاری کردہ اعلامیہ کے مطابق، آستین نے اسرائیلی وزیر دفاع گیلنٹ کے ساتھ ٹیلیفونک گفتگو کی، جس میں لبنان کی موجودہ صورتحال پر تبادلہ خیال کیا گیا۔آسٹن نے اس بات پر زور دیا کہ امریکہ اسرائیل کے دفاع کے اپنے عزم پر قائم ہے اور وہ خطے میں امریکی افواج اور تنصیبات کی حفاظت کے لیے پوری طرح تیار ہے۔ انہوں نے مزید کہا کہ امریکہ ایران اور اس کے حمایت یافتہ پراکسیز کو صورتحال بگاڑنے سے روکنے کے لیے پُرعزم ہے۔یہ گفتگو ایک ایسے وقت میں ہوئی ہے جب خطے میں کشیدگی بڑھ رہی ہے، اور امریکہ نے واضح کیا ہے کہ وہ اسرائیل کے ساتھ کھڑا ہے تاکہ اس کی سلامتی کو یقینی بنایا جا سکے۔