لاہور کی مقامی عدالت نے چیک ڈس آنر ہونے کے مقدمے میں پاکستان کی معروف اداکارہ اور میزبان عائشہ ثناء کے وارنٹ گرفتاری جاری کردئیے۔
باغی ٹی وی : لاہور کی مقامی عدالت نے چیک ڈس آنر ہونے کے مقدمے میں پاکستان کی معروف اداکارہ اور میزبان عائشہ ثناء کے وارنٹ گرفتاری جاری کردئیے۔ پولیس کے مطابق اداکارہ عائشہ ثناء کے خلاف بزنس مین میاں علی معین کی جانب سے لاہور کے تھانہ ڈیفنس بی میں چیک ڈس آنر ہونے پر مقدمہ درج کرایا گیا تھا-
اداکارہ عائشہ ثناء مقدمہ میں شامل تفتیش نہ ہوئیں جس پر لاہور کی مقامی عدالت نے عائشہ ثناء کی گرفتاری کے وارنٹ جاری کرتے ہوئے انہیں گرفتار کرکے پیش کرنے کا حکم دے دیا۔
واضح رہے کہ میاں محمد علی معین نے گذشتہ ماہ27 مئی کو اداکارہ اور میزبان عائشہ ثناء کے خلاف لاہور ڈیفنس بی پولیس اسٹیشن میں مقدمہ درج کیا تھا جس میں یہ الزام لگایا گیا تھا کہ اداکارہ نے ان سے 20 لاکھ روپے قرض لیا تھا جس کے بدلے میں اداکارہ نے انہیں جو چیک دیا وہ بوگس ہونے کی وجہ سے کیش نہیں ہوا تھا۔
معروف اداکارہ عائشہ ثنا گرفتار ہو سکتی ہیں؟ سنئے مبشر لقمان کی زبانی اہم انکشافات