بلوچستان کی محرومیوں کا خاتمہ ہو گا تو دشمن کی سازشیں دم توڑ جائیں گی،خالد مسعود سندھو

مرکزی مسلم لیگ کے صدر خالد مسعود سندھو نے کہا ہے کہ بلوچستان میں ترقی، خوشحالی اور امن ہر پاکستانی کی دیرینہ خواہش ہے۔ دشمن کی سازشوں کا مقابلہ اتحاد ، محبت اور خدمت سے کریں گے،بلوچستان محب وطن،صحت، تعیم، روزگار ہر بلوچ نوجوان کا حق ہے،مرکزی مسلم لیگ خدمت بلوچستان پروجیکٹ شروع کرے گی،

ان خیالات کا اظہار انہوں نے کوئٹہ میں صحافیوں کے اعزاز میں افطار ڈنر کی تقریب سے خطاب کرتے ہوئے کیا، اس موقع پر مرکزی مسلم لیگ کے ترجمان تابش قیوم، حافظ ادریس صدر مرکزی مسلم لیگ کوئٹہ ڈویژن حافظ ادریس، ترجمان بلوچستان حنظلہ عماد و دیگر نے بھی خطاب کیا،خالد مسعود سندھو کا کہنا تھا کہ قیام پاکستان کے وقت بلوچ قوم نے قربانیاں دی تھیں،بلوچستان کے باسی ہمیشہ محب وطن رہے ہیں، پاکستان کا ازلی دشمن بھارت بلوچ عوام کا نام استعمال کر کے اپنے مذموم مقاصد میں کبھی کامیاب نہیں ہو سکتا،
بلوچستان میں قیام امن کے لیے سیکورٹی اداروں کی کوششوں اور قربانیوں کو قوم قدر کی نگاہ سے دیکھتی ہے،بلوچستان کی محرومیوں کی ازالہ ہو گا تو بھارتی سازشیں دم توڑ جائیں گی،کشمیر سے کابل ، خیبر سے بلوچستان اور پورے برصغیر میں پھیلا ہوا فتنۃ الہندوستان پاکستانی قوم کے عزم اور استقامت کے آگے نہیں ٹھہرسکے گا،مرکزی مسلم لیگ بلوچستان کے نوجوانوں کو آئی ٹی کی تربیت دے دی،صحت،صاف پانی اور روزگار کے مواقع فراہم کر کے ایثار ومحبت کی مثال قائم کریں گے،

خالد مسعود سندھو کا مزید کہنا تھا کہ صیہونیت اور ھندوتوا دنیا کے امن کے لیے خطرہ ہیں،ایران کے خلاف جارحیت کی مزمت کرتے ہیں،ضرورت اس امر کی ہے کہ عرب ممالک کے ساتھ مل کر سفارتی حل تلاش کیا جائے اس ضمن میں میں پاکستان، سعودیہ، ترکیہ کو کردار ادا کرنے کے لئے آگے بڑھنا ہو گا،