بحریہ کا طیارہ گر کر تباہ
باغی ٹی وی کی رپورٹ کے مطابق امریکی بحریہ کا تربیتی طیارہ ریاست الاباما کے قریب گر کر تباہ ہو گیا ہے
خبر رساں ادارے کے مطابق طیارے میں سوار دونوں پائلٹس کے ہلاک ہونے کی اطلاعات ہیں ۔امریکی حکام کا کہنا ہے کہ تربیتی طیارہ کاونٹی روڈ 55 کے قریب چھوٹے سے قصبے میں گر کر تباہ ہوا ہے
A US Navy aircraft crash southeast of Mobile, Alabama, has resulted in the deaths of at least two people۔ No civilians were injured on the ground. pic.twitter.com/q1wspdWWTr
— hurriyatpk (@hurriyatpk1) October 24, 2020
امریکا کی نیول ائیرفورس نے بھی طیارے کے حادثے میں دونوں پائلٹس کے ہلاک ہونے کی تصدیق کر دی ہے تا ہم ہلاک ہونے والے پائلٹس کے نام جاری نہیں کیے گئے ہیں۔امریکی حکام کا کہنا ہے کہ طیارہ حادثے کی وجوہات کا پتہ لگانے کے لیے تحقیقات کا آغاز بھی کر دیا گیا ہے۔
خبر رساں ادارے سی این این کے مطابق حکام کا کہنا ہے کہ طیارہ حادثے میں لواحقین کو مطلع کرنے کے بعد ہلاک ہونے والوں کے نام جاری کیے جائیں گے۔ ایک طالب علم پائلٹ اور ایک انسٹرکٹر حادثے میں ہلاک ہوئے
"بحریہ کے ایئر ٹریننگ کے چیف نے ٹویٹر پوسٹ میں کہا ،” ہم افسوس کا اظہار کرتے ہیں ان پائلٹس کے لئے جنہوں نے آج الاباما میں ہوائی جہاز کے حادثے کے دوران اپنی جان گنوا دی۔ ہماری گہری ہمدردی اس مشکل وقت پر ان کے اہل خانہ اور دوستوں کے ساتھ ہے۔
It is with a heavy heart that we mourn two of our pilots who lost their lives during an aircraft crash in Alabama today. Our deepest sympathy goes to their family and friends at this difficult time. Rest in peace, Shipmates. We have the watch.
— Chief of Naval Air Training (@CNATRA) October 24, 2020
طیارہ کے گرنے کے بعد ایک گھر میں آگ لگ گئی لیکن بالڈون کاؤنٹی شیرف آفس نے بھی کہا کہ زمین پر موجود کوئی شخص زخمی نہیں ہوا۔