بھارتی حکومت نے کورونا ایس او پیز کے تحت سنیما ہالز کو آج یعنی یکم فروری سے کھولنے کی اجازت دے دی گئی ہے۔
باغی ٹی وی : بھارتی میڈیا رپورٹس کے مطابق یکم فروری سے سنیما ہالز 100 فیصد صلاحیت کے ساتھ کھولے جاسکیں گے۔
بھارتی وزارت اطلاعات و نشریات کی جانب سے جاری کردہ ایس او پیز کے تحت سنیما ہالز میں فلم بینوں کے درمیان کم از کم 6 فٹ کا فاصلہ برقرار رکھنا لازمی ہوگا۔ جبکہ سنیما ہالز میں داخلے کے لیے ماسک پہننا اور سینیٹائزر رکھنا بھی لازمی قرار دیا گیا ہے۔
واضح رہے کہ گزشتہ سال بھارت میں لاک ڈاؤن کے آغاز میں ہی سنیما ہالز کو مکمل بند کردیا گیا تھا جس کے بعد سے فلم انڈسٹری کو مالی مشکلات کا سامنا تھا۔ انہیں مشکلات کو مدنظر رکھتے ہوئے بالی وڈ کے سپر اسٹار سلمان خان نے بھی اپنی فلم اس سال ریلیز کرنے کا اعلان کیا تھا۔
اس اعلان پر فلم انڈسٹری کے مختلف شعبوں سے جڑے افراد نے خوشی کا اظہار کیا ہے۔