بھارتی ریاست ہماچل پردیش کے علاقے ڈگشائی کینٹونمنٹ میں 26 مئی کو ایک بس پر حملہ ہوا، جس میں بھارتی فوجی اہلکاروں سمیت متعدد افراد ہلاک ہو گئے۔
بھارتی میڈیا کے مطابق بس فوجی اہلکاروں کو ریلوے اسٹیشن اور کینٹونمنٹ کے درمیان منتقل کر رہی تھی۔حملہ کمار ہٹی ریلوے اسٹیشن کے قریب کیا گیا۔ بھارتی فوج نے فوری طور پر حملے کی خبر میڈیا سے ہٹا دی، جو اس کے روایتی رویے کی عکاسی کرتی ہے کہ وہ اپنے جانی نقصان کو عوام سے چھپانے کی کوشش کرتا ہے تاکہ ملک میں امن و امان کی صورتحال بہتر دکھائی دے۔
ذرائع کے مطابق بھارتی حکومت میڈیا کو اپنے ایجنڈے سے متصادم خبروں کی اشاعت سے روکنے کے لیے دباؤ ڈالتی ہے، جس سے آزاد صحافت کی آزادی پر سوالات اٹھتے ہیں۔تجزیہ کاروں کے مطابق یہ واقعہ ہماچل پردیش میں حالیہ برسوں میں ہونے والے دہشت گرد حملوں میں سے ایک ہے، جس سے خطے میں سیکیورٹی کی صورتحال پر تشویش بڑھ گئی ہے۔