باغی ٹی وی کی رپورٹ کے مطابق ایس پی انویسٹی گیشن ماڈل ٹاؤن محمد بلال قیوم کی سربراہی میں کاہنہ پولیس نے کارروائی کی ہے
پولیس نے موٹر سائیکل کھڑی کرنے کے تنازعے پرکالج میں گھس کر خواتین ٹیچرز اور عملے کو تشدد کا نشانہ بنانے والے 5 ملزمان گرفتارکر لئے،گرفتار ملزمان میں طالب، عثمان، صدیق، نعمان اور راحت علی شامل ہیں
گورنمنٹ ڈگری کالج کاہنہ کی انتظامیہ نے ملزمان کو کالج کے گیٹ پر موٹر سائیکل کھڑی کرنے سے منع کیا تھا۔ موٹرسائیکل کھڑی کرنے سے روکنے پر ملزمان نے خواتین ٹیچرز اور عملے کو بہیمانہ تشدد کا نشانہ بنا ڈالا تھا۔
ملزمان کالج میں گھس کر خواتین ٹیچرز اور عملے پر تشدد کرنے کے بعد موقع سے فرار ہو گئے تھے۔ اانویسٹی گیشن پولیس کاہنہ نے مختلف معلومات سمیت جدید ٹیکنالوجی کی مدد سے ملزمان کو گرفتار کیا۔ گرفتار ملزمان کے دیگر مفرور ساتھیوں کی گرفتاری کے لیے ریڈز کیے جارہے ہیں۔
ایس ایس پی انویسٹی گیشن لاہور نے ملزمان کی فوری گرفتاری پر پولیس ٹیم کو شاباش دی ہے