کرونا وائرس نے لاہور میں ایک اور جان لے لی

باغی ٹی وی کی رپورٹ کے مطابق لاہور میں کرونا وائرس کے ایک اور مریض کی ہلاکت ہو گئی

لاہور کے میو ہسپتال میں کرونا کے ایک اور مریض 72 سالہ خدیجہ کی ہلاکت گزشتہ روز ہوئی تھی تاہم اس کی ٹیسٹ رپورٹ آںے پر اس میں کرونا کی تشخیص ہوئی ، جس کے بعد میو ہسپتال میں کرونا کے مریضوں کی تعداد 10 ہو گئی، 72 سالہ خدیجہ کو کرونا وائرس کی وجہ سے میو ہسپتال میں داخل کروایا گیا تھا،سی ای او میو ہسپتال پروفیسر اسد اسلم کا کہنا تھا متوفی ہیپاٹائٹس سی کے مرض میں بھی مبتلا تھیں ، خاتون کا تعلق سیالکوٹ سے تھا

پاکستان میں کرونا وائرس کے مریضوں کی تعداد دوسرے ممالک سے 46 فیصدر جبکہ لوکل ٹرانسمیشن کی تعداد 54 فیصد ہے، 727 مریض صحتیاب ہو چکے ہیں، پاکستان میں ہلاکتوں کی تعداد 67 ہو چکی ہے جن میں سے سندھ میں 21، پنجاب میں‌19، کے پی میں 22، گلگت میں 3، اسلام آباد اور آزاد کشمیر میں ایک ایک ہلاکت ہو چکی ہے.

ملک کے 587 اسپتالوں میں قائم قرنطینہ مراکز مریضوں کا علاج جاری ہے،اسپتالوں میں 11508 بیڈز کا بندوبست کیا گیا

وزیراعلیٰ پنجاب عثمان بزدار نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ پنجاب میں کرونا وائرس کے مریضوں کی تعداد 2279 ہو گئی ہے،جن میں سے 701 زائرین ڈی جی خان، ملتان اور فیصل آباد کے قرنطینہ مراکز میں ہیں،696 مریضوں کا تعلق تبلیغی جماعت سے ہے، جبکہ پنجاب کی جیلوں میں 70 قیدیوں میں کرونا وائرس کی تشخیص ہوئی ہے،