کور کمانڈر کراچی لیفٹیننٹ جنرل محمد اویس دستگیر نے 52 ویں بنیادی ایوی ایشن سیکیورٹی کورس اور 32 ویں آفیسر بنیادی ایویشن سیکورٹی کورس کی پاسنگ آؤٹ پریڈ میں شرکت کی۔
باغی ٹی وی کے مطابق ائیرپورٹس سیکیورٹی فورس کی بنیادی ایوی ایشن سیکیورٹی کورس کی پاسنگ آؤٹ پریڈ کی تقریب اے ایس ایف اکیڈمی کراچی میں منعقد ہوئی۔ بنیادی ایوی ایشن سیکیورٹی کورس میں کل 655 نئے بھرتی شدہ مردو خواتین نے تربیت حاصل کیدورانِ ٹریننگ ریکروٹس کو نہ صرف ایوی ایشن سیکیورٹی کے جدید طریقہ ہائے کار کی تربیت دی گئی بلکہ جسمانی لحاظ سے سخت اور کٹھن مراحل سے گزارہ گیا تاکہ وہ کسی بھی مشکل صورتِ حال سے نبرد آزما ہوسکیں۔تقریب میں کور کمانڈر کراچی لیفٹننٹ جنرل محمد اویس دستگیر ہلالِ امیتاز (ملٹری)، ستارہ امتیاز نے بطور مہمان خصوصی شرکت کی، انکی آمد پر پریڈ کی جانب سے جنرل سلامی پیش کی گئی۔
کور کمانڈر نے ڈائر یکٹر جنرل ائیر پورٹس سیکیورٹی فورس، میجر جنرل عدنان آصف جاہ شاد کے ہمراہ پریڈ کا معائنہ کیا۔کور کمانڈر نے اعلٰی کارکردگی کا مظاہرہ کرنے والے ٹرینیز کو انعامات اور میڈلیز دئیےتقریب کے شرکاء سے خطاب کرتے ہوئے کور کمانڈر نے ائیرپورٹس سیکیورٹی فورس کی جانب سے ملکی ہوائی اڈوں کی فول پروف سیکیورٹی اور امن وامان کے سلسلے میں کی جانے والی کاوشوں کو بھر پور سراہا، اور ائیرپورٹس سیکیورٹی فورس کے شہدا کو خراجِ عقیدت پیشں کیا۔پاسنگ آؤٹ تقریب کے اختتام پر کور کمانڈر کراچی نے ٹریننگ مکمل کرنے والے ریکورٹس اور ان کے والدین کو مبارکباد دی اور اس امید کا اظہار کیا کہ وہ ائیرپورٹس سیکیورٹی فورس کی افرادی قوت میں ایک مثبت اضافہ ثابت ہونگے۔
اڈیالہ جیل کے اطراف سکیورٹی سخت، کنٹینرز لگا کر اضافی ناکے قائم