پاکستان اور افغانستان کے درمیان سرحد پر بڑھتی ہوئی کشیدگی کے تناظر میں چمن کے تمام سرکاری ہسپتالوں اور بنیادی مراکزِ صحت میں میڈیکل ایمرجنسی کا نفاذ کر دیا گیا ہے۔ ضلعی انتظامیہ کی جانب سے اس فیصلے کا مقصد کسی بھی ہنگامی صورتحال سے نمٹنے کے لیے فوری طبی امداد کی فراہمی کو یقینی بنانا ہے۔
ڈسٹرکٹ ہیلتھ آفیسر نے اس حوالے سے سخت ہدایات جاری کرتے ہوئے تمام طبی عملے کی چھٹیاں فوری طور پر منسوخ کر دی ہیں۔ ہسپتالوں میں ڈاکٹروں، نرسوں اور پیرا میڈیکل اسٹاف کو الرٹ رہنے کا حکم دیا گیا ہے، جبکہ ہنگامی بنیادوں پر خون کے عطیات، زندگی بچانے والی ادویات اور سرجیکل سپلائز کے ذخائر کو مکمل کرنے کا عمل شروع کر دیا گیا ہے۔ اس کے علاوہ، تمام ایمبولینس سروسز کو 24 گھنٹے فعال رکھنے کی ہدایت کی گئی ہے تاکہ کسی بھی ناخوشگوار واقعے کی صورت میں زخمیوں کو فوری طبی امداد کی فراہمی میں کوئی رکاوٹ نہ آئے۔
چمن: پاک-افغان سرحد پر کشیدگی کے پیشِ نظر ہسپتالوں میں ایمرجنسی نافذ
