ایف بی آر کی بڑے ریٹیلرز کو 31 اگست تک پی او ایس سے منسلک ہونے کی ہدایت

باغی ٹی وی کی رپورٹ کے مطابق ایف بی آر نے بڑے ریٹیلرز کو 31 اگست تک پی او ایس سے منسلک ہونے کی تنبیہ کر دی

ایف بی آر کی جانب سے کہا گیا ہے کہ تمام بڑے ریٹیلرز جن کے ملک بھر میں چین سٹورز ہیں اور ائیر کنڈیشنر شاپنگ مالز میں واقع ہیں پی او ایس سے منسلک ہو جائیں۔ جن ریٹیلرز کا بجلی کا بل پچھلے سال بارہ لاکھ روپے سے تجاوز کر چکا ہو یا پھر ان کی دوکان کا سائز ایک ہزار مربع فٹ یا اس سے زائد ہو وہ بھی ایف بی آر کے سسٹم کے ساتھ منسلک ہو جائیں۔

ایف بی آر کی جانب سے مزید کہا گیا ہے کہ ایسے ریٹیلرز جو کہ بڑی تعداد میں تھوک کے حساب سے اشیاء کی درآمد یا سپلائی کرتے ہیں ان سب کے لئے لازم ہے کہ وہ 31 اگست 2020 تک اپنے تمام ریٹیل مراکز پی او ایس نظام کے ساتھ منسلک کر لیں، بصورت دیگر آخری تاریخ گزرنے کے بعد ان پر دس لاکھ روپے تک جرمانہ عائد کیا جا سکتا ہے

ایف بی آر کی جانب سے مزید کہا گیا ہے کہ جرمانہ کی ادائیگی کے بعد مزید خلاف ورزی پر ایسے تمام ریٹیل مراکز کو بند کر دیا جائے گا۔