میرپور ماتھیلو (باغی ٹی وی/نامہ نگار مشتاق علی لغاری)ڈپٹی کمشنر گھوٹکی، منظور احمد کنرانی نے ضلع کے 7 اسکولوں میں ضروری فرنیچر اور الماریاں تقسیم کیں تاکہ طلبہ کی تعلیمی سہولیات میں بہتری لائی جا سکے۔
تقریب گورنمنٹ بوائز ہائی اسکول اوباڑو میں سی ایس آر فنڈ (ماڑی انرجیز) کے تحت منعقد ہوئی، جس میں ڈپٹی کمشنر کے ساتھ ڈپٹی منیجر سی ایس آر کرنل فاروق اعظم، ڈی ای او پرائمری ذکریا دھاندھو اور متعلقہ اسکولوں کے ہیڈ ماسٹرز بھی موجود تھے۔
ڈپٹی کمشنر نے خطاب کرتے ہوئے کہا کہ تعلیم اور صحت کے شعبے کو ترجیح دی جا رہی ہے، اور ضلع کے اسکولوں میں فرنیچر کی کمی کو دور کرنے کے لیے مرحلہ وار اقدامات کیے جا رہے ہیں۔ انہوں نے ہیڈ ماسٹرز کو ہدایت کی کہ فرنیچر کی دیکھ بھال کو یقینی بنایا جائے تاکہ طلبہ کو اس سے مکمل فائدہ حاصل ہو سکے۔
اس موقع پر گورنمنٹ گرلز پرائمری اسکول جنگ کالونی ڈہرکی، گورنمنٹ بوائز ایلیمنٹری اسکول خانپور مہر، گورنمنٹ ہائی اسکول غلام حیدر ڈہرکی، گورنمنٹ بوائز پرائمری اسکول قاضی بادل، جی بی پی ایس بمبلی، جی بی پی ایس خانپور مہر اور جی بی پی ایس موٹن مہر کو مجموعی طور پر 229 ڈبل ڈیسکیں، 26 کرسیاں، 18 میزیں اور 7 الماریاں فراہم کی گئیں۔