ہمیں بشکیک پر پاکستان کی طرف سے آنیوالی مفت پروازوں کے بارے میں کوئی معلومات نہیں، ڈاکٹر عالیہ

پاکستان حکومت کی جانب سے کرغستان بشکیک میں پھنسے پاکستانی طلباء کو فری فلائٹ دینے کا دعویٰ کیا گیا ہے لیکن وہاں موجود میڈیکل کی ایک طالبہ جسکا نام ڈاکٹر عالیہ ہے نے اپنے ایک ویڈیو بیان میں ’ہمیں یہاں پر پاکستان کی طرف سے آنیوالی مفت پروازوں کے بارے میں کوئی معلومات نہیں، جو طلباء یہاں سے پاکستان پہنچ چکے ہیں، وہ یونیورسٹی کی پروازوں پر ہی پہنچے ہیں جن کی ادائیگی کی گئی تھی ، طلباء نے اپنے ٹکٹ کی ادائیگی کی ، اس کے بعد وہ لوگ اپنے گھروں کو جارہے ہیں لیکن ہمیں مفت پروازیں نہیں ملیں‘۔ دوسری جانب نجی ٹی وی چینل جیو نیوز کے مطابق خصوصی طیارہ 130پاکستانی طلبہ کو لیکر پاکستان پہنچے گا، وزیراعظم کی ہدایت پر خصوصی طیارے کے تمام تراخراجات حکومت پاکستان ادا کرے گی۔
https://www.instagram.com/p/C7I303nClZF/