عماد وسیم نے بابر کے حوالے سے تمام قیاس آرائیوں کی تردید کر دی

پاکستان کے آل راؤنڈر عماد وسیم نے قومی کرکٹ ٹیم کے کپتان بابر اعظم کے ساتھ اپنے گہرے تعلقات پر اپنے خیالات اظہار کیا ہے ،ایک مقامی میڈیا چینل کے ساتھ ایک خصوصی انٹرویو میں، اپنے تعلق کی پیچیدگی کا اعتراف کرتے ہوئے، عماد نے ان دعووں کی سختی سے تردید کی کہ وہ بابر اعظم کے دشمن ہے .عماد نے کہا کہ اس سوال کا جواب پیچیدہ ہے لیکن اس حقیقت میں کوئی صداقت نہیں کہ ہم دشمن ہیں۔ چند ماہ قبل کرکٹ پاکستان کو انٹرویو دیتے ہوئے آل راؤنڈر نے کہا تھا کہ ان کے اور بابر کے درمیان باہمی احترام ہے اور جب وہ پاکستان کے لیے کھیلتے ہیں تو باقی سب کچھ ایک طرف رکھ دیتے ہیں۔
عماد نے کہا کہ جب آپ ملک کے لیے کھیلتے ہیں تو آپ دوسرے عناصر کو ایک طرف رکھتے ہیں، اور بالکل یہی ہم نے کیا، ہم نے سب کچھ ایک طرف رکھا۔ یہ کہنے کی ضرورت نہیں کہ وہ پاکستان کی ٹیم کے کپتان ہیں، اور میں ایک کھلاڑی کے طور پر کھیل رہا تھا۔ ہمارے درمیان یہ باہمی احترام ہمیشہ سے رہا ہے، اور اب بھی ہے۔ غور طلب ہے کہ عماد وسیم نے 55 ایک روزہ بین الاقوامی میچوں میں حصہ لیا ہے جہاں انہوں نے 986 رنز بنائے ہیں اور 44 وکٹیں حاصل کی ہیں۔
اسکے علاوہ T20 انٹرنیشنلز (T20Is) میں، اس نے 486 رنز اور 65 وکٹوں کے ساتھ 66 میچوں کا ریکارڈ اپنے نام کیا، یہاں تک کہ اس نے ویسٹ انڈیز کے خلاف پانچ وکٹوں کی شاندار کامیابی حاصل کی۔عماد کا آخری ون ڈے میچ 2020 کا ہے جب اس نے زمبابوے کے خلاف کھیلا تھا۔

ا