سکھوں کے مذہبی راہنما با با گورو نانک دیو جی کے551ویں جنم دن کی تقریبات کے لیے بھارت سے سینکڑوں سکھ یاتری آج پاکستان آئیں گے،ترجمان متروکہ وقف املاک بورڈ کے مطابق تقریبا 800 بھارتی سکھ یاتری آج واہگہ
بارڈ کے راستے پیدل پاکستان داخل ہوں گے، جہاں پرایڈیشنل سیکرٹری شرانئز طارق وزیر، پاکستان سکھ گورو دوارہ پر بندھک کمیٹی کے ممبران اور دیگر بورڈ حکام سکھ یاتریوں کا استقبال کریں گے یاتریوں کی آمد پر حکومت SOPپر مکمل عملدآمد کروایا جائے گا۔ چیئرمین متروکہ وقف املاک بورڈ ڈاکٹر عامر احمد کے احکامات کے مطابق انتظامات مکمل کر لیے گئے ہیں۔یاتریوں کی سفری سہولیات کے لیے ٹرانسپورٹ کو خصوصی طور پر ڈس انفیکٹ کیا جائے گا۔کھانے پینے رہائش کے لیے بہترین انتظامات مکمل کر لیے گئے ہیں۔ ایڈیشنل سیکرٹری شرائنز طارق وزیر کا کہنا ہے کہ چیئرمین بورڈ کے احکامات کے مطابق گورو دواروں کو دلہن کی طرح سجا دیا گیا ہے۔گورو نانک کے جنم دن کی مرکزی تقریب 30نومبر کو جنم استھا ن ننکانہ صاحب میں ہو گی جس میں مختلف سیاسی و مذہبی اور اقلیتی رہنماء شریک ہوں گے۔ سکھ یاتری دورہ مکمل کرنے کے بعد یکم دسمبر واپس بھارت چلے جائیں گے۔