اسلام آباد ہائیکورٹ کا بچوں سے زیادتی کے بڑھتے واقعات پربڑا فیصلہ
باغی ٹی وی کی رپورٹ کے مطابق اسلام آباد ہائیکورٹ نے بچوں سے زیادتی کے بڑھتے واقعات پربڑا فیصلہ دے دیا، عدالت نے حکم دیا کہ زیادتی کیس کی تفتیش اے ایس پی سے کم رینک کاافسرنہیں کرے گا،اسلام آباد ہائیکورٹ کے چیف جسٹس اطہر من اللہ نےتحریری فیصلہ جاری کردیا،زیادتی کے واقعات کے سدباب کیلئے عدالت نے خصوصی ہدایات بھی جاری کر دیں
عدالت نے آئی جی اور چیف کمشنر اسلام آباد کو خصوصی لائحہ عمل تیار کرنے کی بھی ہدایت کی،عدالت نے تحریری فیصلے میں کہا کہ بچوں سے زیادتی کے ملزمان کا میڈیکل بورڈ سے معائنہ کرایا جائے،ضمانت کی درخواست آنے پر ملزم کے کریمنل ریکارڈ کو حصہ بنایا جائے ،کریمنل ریکارڈ سے تعین کیا جائے کہ ضمانت کی صورت میں دوبارہ جرم کا امکان تو نہیں،عدالت نے بھارہ کہو زیادتی کیس کے تحریری حکمنامے میں ہدایات جاری کیں.