سابق کنوینر خالد مقبول صدیقی کو متحدہ قومی موومنٹ (ایم کیو ایم) پاکستان کا چیئرمین منتخب کرلیا گیا۔ترجمان ایم کیو ایم کا کہنا ہے کہ خالد مقبول صدیقی کی صدارت میں پاکستان ہاؤس میں ایم کیو ایم پاکستان کی مرکزی کمیٹی کا اجلاس ہوا۔اجلاس میں مصطفی کمال، ڈاکٹر فاروق ستار، نسرین جلیل ، انیس قائمخانی، فیصل سبزواری، امین الحق اور رضوان بابر شریک ہوئے۔ترجمان نے بتایا کہ اجلاس میں مرکزی کمیٹی نے متفقہ طور پر پارٹی کے سابق کنوینر خالد مقبول صدیقی کو ایم کیو ایم پاکستان کا چیئرمین منتخب کرلیا۔ ترجمان ایم کیو ایم نے مزید بتایا کہ اجلاس میں مرکزی کمیٹی کی تنظیمی اور سیاسی امور پر معاونت کے لیے اعلیٰ سطح کی مرکزی کونسل کی تشکیل کا فیصلہ بھی کیا گیا، جس کے ارکان کے ناموں کا اعلان جلد کر دیا جائے گ