کے پی کے حکومت نے اداکارہ ڈاکٹرثروت علی کے علاج کے لیے اعلان کردیا ہے۔
باغی ٹی وی :کے پی کے حکومت نے سوشل میڈیا پر تصویر وائرل ہونے کے بعد معروف اداکارہ ڈاکٹر ثروت علی کے علاج کے حوالے سے مدد کا اعلان کیا ہے۔
اس سلسلے معاون اطلاعات و بلدیات کامران بنگش نے لیڈی ریڈنگ اسپتال لاہور کے ڈائریکٹرڈاکٹر خالد مسعود کوفون کر کے ڈاکٹر ثروت کی صحت کے بارے میں دریافت کیا اور ہاسپٹل ڈائریکٹرکو اداکارہ کے علاج کے لیے بغیر معاوضہ تمام سہولیات فراہم کرنے کی ہدایت کی۔
ان کا کہنا تھا کہ وزیراعلی خیبرپختونخوا محمود خان نے اس سلسلے میں احکامات جاری کئے ہیں کہ اداکارہ ڈاکٹر ثروت علی کو اسپتال میں ہر قسم کے علاج کو یقینی بنایا جائے اداکارہ کے بہترین علاج و معالجہ میں کوئی کوتاہی نہ برتی جائے۔
کامران بنگش کا کہنا تھا کہ فنکار ہمارا ثقافتی ورثہ ہے اور وزیراعلی کے پی کے ہدایت پر فنکار برادری کو تمام سہولیات فراہم کی جارہی ہیں۔