لاہور میں بد فعلی کے بعد بچے کو قتل کرنے والا ملزم گرفتار

لاہور کے علاقے نواب ٹاؤن میں 10 سالہ بچے غلام مصطفی کو بدفعلی کے بعد قتل کرنے والے ملزم گرفتار کر لیا گیا۔
پولیس کے مطابق سی آئی اے صدر ڈویزن پولیس نے مختلف معلومات اور جدید ٹیکنالوجی کی مدد سے ملزم عبدالرحمن کو گرفتار کیا۔ملزم نے پولیس کو بیان دیا کے ملزم غلام مصطفی کو ورغلا پھسلا کر بدفعلی کرنے کے لئے زیر تعمیر پلازہ لے گیا۔ملزم نے غلام مصطفی سے بدفعلی کی اور پکڑے جانے کے ڈر سے بچے کا گلا دبا کر قتل کر دیا۔ملزم عبدالرحمن نے پولیس کو بیان دیا کےبچے کو جلانے کی کوشش کی تاکہ تاثر پیدا ہو کہ بچے نے خود کو جلا کر ہلاک ہوگیا۔پولیس کے مطابق ملزم عبدالرحمن بچوں کے ساتھ بدفعلی کرنے کا عادی مجرم ہے اور دو بچوں کے ساتھ بدفعلی کر چکا ہے۔وزیر اعلی عثمان بزدار نے بچے کے قتل کا نوٹس لیتے ہوئے پولیس کو ملزم کی جلد گرفتاری کی ہدایت کی تھی۔