پی آئی اے کے ریٹائرڈ ملازمین کے لیے خوش خبری


پاکستان انٹرنیشنل ایئر لائن کی نجکاری کے بعد ریٹائرڈ ملازمین کے لیے طبی سہولت سے متعلق اہم پیشرفت سامنے آئی ہے۔ پی آئی اے انتظامیہ نے ریٹائرڈ ملازمین کی میڈیکل سہولت اسٹیٹ لائف انشورنس کے ذریعے جاری رکھنے کا فیصلہ کیا ہے۔
‎اسٹیٹ لائف انشورنس کمپنی نے اس حوالے سے تحریری ہدایات جاری کر دی ہیں، جن کے تحت ریٹائرڈ ملازمین کو پینل پر موجود اسپتالوں اور لیبارٹریز میں علاج اور ٹیسٹ کی سہولت حاصل ہوگی۔ تمام متعلقہ اسپتالوں اور لیبارٹریز کو بھی باقاعدہ آگاہ کر دیا گیا ہے۔
‎واضح رہے کہ 23 دسمبر 2025 کو عارف حبیب کنسورشیم نے 135 ارب روپے کی بولی دے کر پی آئی اے کی نجکاری حاصل کی تھی۔ یکم جنوری 2026 کو عارف حبیب نے اپنے پیغام میں کہا تھا کہ ادارے کو منافع بخش بنانا اولین ترجیح ہے اور ملازمین کا مستقبل کارکردگی سے مشروط ہوگا، جبکہ معاہدے کے تحت ایئر لائن کا نام تبدیل نہیں کیا جا سکتا۔