وزیراعلیٰ پنجاب مریم نواز اپنے صاحبزادے جنید صفدر کی شادی کے موقع پر اپنی تیاری اور دیدہ زیب لباس کے باعث خصوصی توجہ کا مرکز بن گئیں۔
جنید صفدر کی شادی گزشتہ روز لاہور کی ایک نجی ہاؤسنگ سوسائٹی میں منعقد ہوئی، جس میں سابق وزیراعظم نواز شریف، وزیراعظم شہباز شریف، وزیراعلیٰ مریم نواز، اہلِ خانہ کے علاوہ وفاقی و صوبائی وزرا اور ملکی و غیر ملکی مہمانوں نے شرکت کی۔
تقریب میں مریم نواز کی تیاری کو سوشل میڈیا پر بھی سراہا گیا۔ بختاور بھٹو زرداری نے بھی ان کے انداز اور لباس کی تعریف کی۔
اس موقع پر پیپلز پارٹی کی رہنما شرمیلا فاروقی نے بھی ایکس پر اپنی پوسٹ میں ردعمل دیتے ہوئے لکھا کہ وہ بھی اپنے بیٹے کی شادی پر اسی طرح خوبصورت نظر آنا چاہیں گی۔
بیٹے کی شادی پر مریم نواز کی تیاری توجہ کا مرکز، شرمیلا فاروقی اور بختاور بھٹو زرداری کی تعریف
