وزیراعلیٰ پنجاب مریم نواز نے کہا ہے کہ میانوالی کے عوام کی محبت، شفقت اور عزت کا جواب وہ خدمت کے ذریعے دیں گی۔
میانوالی میں خطاب کرتے ہوئے انہوں نے کہا کہ گزشتہ چار برسوں میں پنجاب پر حکومت کرنے والوں نے اس ضلع میں کوئی نمایاں ترقیاتی منصوبہ نہیں دیا۔ ان کے بقول، میانوالی میں ترقی کا کوئی واضح نشان دکھائی نہیں دیتا۔
مریم نواز نے اعلان کیا کہ وہ میانوالی کے لیے میڈیکل کالج کا تحفہ لے کر آئی ہیں تاکہ علاقے کے طلبہ کو طبی تعلیم کے بہتر مواقع میسر آ سکیں اور صحت کی سہولیات میں بہتری آئے۔
انہوں نے کہا کہ صوبائی حکومت عوامی فلاح اور بنیادی سہولیات کی فراہمی کو ترجیح دے رہی ہے اور پسماندہ علاقوں کی ترقی پر خصوصی توجہ دی جائے گی۔
میانوالی کی محبت کا جواب خدمت سے دوں گی، مریم نواز
