Baaghi TV

مہوش حیات کا ظلم کے خلاف مزاحمت پر کشمیری عوام کو خراج تحیسن پیش

Written by

عائشہ ذوالفقار

in

, ,

پاکستان شوبز انڈسٹری کی معروف اور تمغہ امیتاز اداکارہ مہوش حایت نے یوم عاشورہ کے موقع پر مقبوضہ کشمیر میں بھارتی فوج کی جانب سے پیلیٹ گن کے بے رحمانہ استعمال کو بڑا ظلم قرار دیتے ہوئے کیشمیریوں کے بلند حوصلوں پر خراج تحسین پیش کیا ہے-

باغی ٹی وی : پاکستانی معروف اداکارہ مہوش حیات نے سماجی رابطے کی ویب سائٹ ٹویٹر اپنے اپنے ٹوئٹ میں ایک ویڈیو شیئر کی جس میں یوم عاشورہ کے موقع پر مقبوضہ کشمیر میں نکالے جانے والے جلوس پر بھارتی فوج کی جانب سے پیلیٹ گن کا استعمال کیا گیا نتیجے میں ایک نوجوان سر پر چھرہ لگنے کی وجہ سے زخمی ہو گیا۔

مقامی لوگوں نے اپنی مدد آپ کے تحت زخمی نوجوان کے سر سے چھرہ نکالنے کی کوشش کی۔ زخمی نوجوان کی یہ ویڈیو سوشل میڈیا پر وائرل ہونے پر لوگوں نے شدید دُکھ اور غم و غصے کا اظہار کیا اور نہتے اور معصوم کشمیریوں پر پیلیٹ گن کے استعمال کو بھارتی فوج کی بزدلانہ کارروائی قرار دیا۔


مہوش حیات نے زخمی کشمیری نوجوان کی ویڈیو شئیر رکتے ہوئے لکھا کہ وہ ظلم کے خلاف کشمیری عوام کی مزاحمت کو سلام پیش کرتی ہیں –

اداکارہ نے کہا کہ اگر عالمی برادری انہیں فراموش کردے تب بھی ان کشمیریوں کی صدا ہمیشہ ان پر مسلط کردہ جنگی جرائم سے بلند ہی رہے گی۔

مہوش حیات نے کشمیریوں کے بلند حوصلوں اور صبر پر فیض احمد فیض کی شاعری کے چند اشعار لکھ کر انہیں خراج تحسین پیش کیا:

بول کے لب آزاد ہیں تیرے

بول زباں اب تک تیری ہے

تیرا ستواں جسم ہے تیرا

بول کہ جاں اب تک تیری ہے

کراچی کے حالات پر مہوش حیات اور انوشے اشرف کی حکام بالا پر شدید تنقید

زندگی کو بھرپور طریقے سے جیا جائے تو ہر دن پلک جھپکتے گزرنے کے مترادف ہے مایا علی

More posts