میرپور ماتھیلو (نامہ نگار مشتاق علی لغاری) ایس ایس پی گھوٹکی محمد انور کھیتران کی ہدایت پر گھوٹکی پولیس نے جواریوں اور دیگر جرائم پیشہ عناصر کے خلاف کارروائیاں تیز کر دی ہیں۔
تفصیلات کے مطابق ایس ایچ او تھانہ جروار اعجاز علی جسکانی نے پولیس اسٹاف کے ہمراہ دورانِ گشت خفیہ اطلاع پر حیات پتافی کے علاقے میں کارروائی کرتے ہوئے تاش کے پتوں پر جوا کھیلنے والے افراد کے خلاف چھاپہ مارا۔ پولیس نے موقع سے 5 مبینہ جواریوں کو گرفتار کر لیا جبکہ ایک عدد تاش کا پیکٹ اور 2 ہزار روپے نقد رقم بھی برآمد کر لی۔گرفتار ملزمان میں محبوب علی ولد راھزن مہر، بابر علی ولد قالو بھٹی، علی نواز ولد عنایت نوہانی، ندیم ولد حبیب بھٹی اور حق نواز ولد عنایت نوہانی شامل ہیں۔
پولیس نے تمام ملزمان کو حراست میں لے کر تھانے منتقل کر دیا، جہاں ان کے خلاف کرائم نمبر 55/2026 کے تحت دفعہ 5 سندھ جواء ایکٹ کے تحت مقدمہ درج کر لیا گیا ہے۔پولیس حکام کا کہنا ہے کہ ضلع بھر میں جرائم پیشہ عناصر اور غیر قانونی سرگرمیوں میں ملوث افراد کے خلاف کارروائیاں جاری رہیں گی تاکہ امن و امان کی صورتحال کو برقرار رکھا جا سکے۔