اداکار منیب بٹ جو ٹویٹر کا استعمال ہی شاید عمران خان کی سپورٹ کرنے کے لئے کرتے ہیں، انہیں اس قوم کا مسیحا صرف عمران خان اور ان حامی لگتے ہیں. منیب بٹ اپنی اداکاری اور اپنے شعبے کے حوالے سے کم پوسٹیں لگاتے ہیں جبکہ ملکی معاملات اور سیاست پر زیادہ پوسٹیں شئیر کرتے ہیں. حال ہی میں ملکی صورتحال کے پیش نذر انہوں نے پی ٹی آئی کے چئیرمین عمران خان کو ہی سپورٹ کیا اور ان کے سپورٹر سپریم کورٹ کے چیف جسٹس کو بھی کھل کر سپورٹ کیا . انہوں نے پہلے تو سپریم کورٹ کے چیف جسٹس کی تصویر لگا لکھا ” آخری امید” . اس کے بعد جب چیف جسٹس نے 12 مئی کو پنجاب کے انتخابات کروانے کا فیصلہ دیا تو ، منیب بٹ نے
خوشی کا اظہار کرتے ہوئے لکھا کہ ”سدا بادشاہی صرف اللہ کی. یہ قوم آپکو نہیں بھولے گی. شکریہ چیف جسٹس” . انہوں نے ایک اور پوسٹ میں ہیش ٹیگ کے ساتھ لکھا ” آئین پر ڈٹ گیا چیف جسٹس” .منیب بٹ کی ان تمام پوسٹوں پر ان کے مداحوں اور سیاسی نظریے سے اختلاف رکھنے والوں نے کمنٹس کئے لیکن منیب نے کسی کا بھی جواب نہیں دیا. کسی صارف نے انہیں اداکاری پر توجہ دینے کےلئے کہا تو کسی نے ان کو سیاسی سمجھ بوجھ رکھنے پر داد دی.