اور احد چیمہ کی درخواست ضمانت پر سنایا لاہور ہائیکورٹ نے بڑا فیصلہ
باغی ٹی وی کی رپورٹ کے مطابق لاہور ہائیکورٹ نے سابق ڈی جی ایل ڈی اے احد چیمہ کی درخواست ضمانت منظورکر لی،احد چیمہ کے وکیل نے عدالت میں کہا کہ ڈیڑھ سال سے ایل ڈی اے سٹی کا ریفرنس ہی نہیں پیش کیا گیا،
نیب پراسیکیوٹر نے کہا کہ کیس میں احد چیمہ کی ضمانت منظور کی جائے تو کوئی اعتراض نہیں ہوگا، احد چیمہ کے وکیل نے کہا کہ احد چیمہ کے علاوہ ایل ڈی اے کا کوئی بھی ملازم ملزم نہیں بنایا گیا ،نیب پراسکیوٹر نے کہا کہ ایل ڈی اے سٹی کیس پرسپریم کورٹ نے فیصلہ کر دیا ہے،ایل ڈی اے سٹی نے متاثرہ افراد کو پلاٹس دینے کی یقین دہانی کروائی ہے،
لاہور ہائیکورٹ نے احد چیمہ کی ضمانت منظور کر لی.
واضح رہے کہ احتساب عدالت میں عدالتی سماعت کے دوران نیب تفتیشی افسر کی جانب سے احد چیمہ کے متعلق تفتیشی رپورٹ پیش کی گئی تھی جس میں موقف اختیار کیا گیا کہ الفاء سٹیٹ کے مالک گرفتار ملزم آصف ملک اور عبدالرشید نے احد چیمہ وغیرہ کی ملی بھگت سے اربوں روپے کی خوردبرد کی ،ملزمان ایل ڈی اے سٹی میں ڈویلپمنٹ پارٹنر تھے لیکن غیر قانونی طور پر کروڑوں روپے کے پلاٹ فروخت کر دئیے، ابتدائی اندازے کے مطابق اربوں روپے کی فائلیں فروخت کی گئیں ، اب تک ایل ڈی اے سٹی میں سترہ سو بارہ فائلیں فروخت کیں اور پیسے اکٹھے کئے .