صدرِ مملکت آصف علی زرداری نے قازقستان کے صدر قاسم جومارت توکایوف کو پاکستان کا اعلیٰ ترین سول اعزاز، نشانِ پاکستان، عطا کر دیا۔
ایوانِ صدر اسلام آباد میں منعقدہ خصوصی تقریب میں صدرِ مملکت نے قازق ہم منصب کو یہ اعزاز پیش کیا۔ تقریب میں وزیرِ اعظم شہباز شریف، نائب وزیرِ اعظم اسحاق ڈار، وفاقی وزرا اور اعلیٰ سرکاری حکام نے شرکت کی۔
صدرِ قازقستان کو نشانِ پاکستان سے نوازنے کا فیصلہ پاکستان اور قازقستان کے درمیان دوطرفہ تعلقات کے فروغ اور تعاون کو مضبوط بنانے میں ان کے کردار کے اعتراف میں کیا گیا۔ یہ اعزاز خطے اور عالمی سطح پر امن، استحکام اور ترقی کے لیے صدر توکایوف کی خدمات کا بھی اعتراف ہے۔
قازقستان کے صدر قاسم جومارت توکایوف کو نشانِ پاکستان سے نواز دیا گیا
