پاکستان نے فرانس کو ہرا کر نیشنز ہاکی کپ کے فائنل میں جگہ بنالی

پاکستان ہاکی ٹیم نے ملائشیا میں جاری نیشنز ہاکی کپ کے سیمی فائنل میں فرانس کو شکست دے کر فائنل کے لیے کوالیفائی کر لیا۔

کوالالمپور میں کھیلے گئے ایف آئی ایچ نیشنز ہاکی کپ کے سیمی فائنل میں مقررہ وقت تک پاکستان اور فرانس کے درمیان مقابلہ 3-3 گول سے برابر رہا۔فرانس نے میچ ختم ہونے سے چند لمحے قبل گول کر کے اسکور برابر کر دیا۔بعد ازاں، پنالٹی شوٹ آؤٹ میں پاکستان نے 3 کے مقابلے میں 2 گول اسکور کر کے فرانس کو شکست دی اور فائنل میں رسائی حاصل کر لی۔

یاد رہے کہ 18 جون کو نیوزی لینڈ کے خلاف میچ میں شکست کے باوجود پاکستان گول اوسط کے باعث سیمی فائنل میں پہنچا تھا۔نیوزی لینڈ نے پاکستان کو 4-3 سے شکست دے کر سیمی فائنل کے لیے کوالیفائی کیا تھا، تاہم پاکستان کی اگلے مرحلے میں رسائی کا دار و مدار ملائیشیا اور جاپان کے درمیان ہونے والے میچ پر تھا۔

پاکستان کے حق میں فیصلہ کن میچ میں ملائشیا نے جاپان کو 1-2 سے شکست دی، جس کے نتیجے میں پاکستان بہتر گول اوسط کی بنیاد پر سیمی فائنل تک پہنچنے میں کامیاب رہا۔

خیبرپختونخوا میں بجٹ بحران شدت اختیار کر گیا، اپوزیشن کا ہنگامی اجلاس

شہباز شریف اور امریکی وزیر خارجہ کا رابطہ، علاقائی امن اور باہمی تعاون پر گفتگو