پاکستان نے ٹی 20 ورلڈ کپ میں شرکت کرنے اور بھارت کے خلاف میچ کے بائیکاٹ کا فیصلہ کر لیا ہے۔ یہ فیصلہ چیئرمین پاکستان کرکٹ بورڈ محسن نقوی اور وزیراعظم شہباز شریف کے درمیان ہونے والی ملاقات کے بعد سامنے آیا۔
ذرائع کے مطابق وزیراعظم ہاؤس میں ہونے والی ملاقات میں پاکستان ٹیم کی ورلڈ کپ میں شرکت یا عدم شرکت کے مختلف پہلوؤں پر غور کیا گیا۔ حکومتِ پاکستان نے پاکستان کرکٹ بورڈ کو ٹی 20 ورلڈ کپ میں شرکت کی باضابطہ منظوری دے دی ہے۔
تاہم اجلاس میں یہ طے پایا کہ پاکستان 15 فروری کو بھارت کے خلاف شیڈول میچ نہیں کھیلے گا اور اس میچ کا بائیکاٹ کیا جائے گا۔ فیصلے سے بین الاقوامی کرکٹ شیڈول اور ٹورنامنٹ انتظامات پر ممکنہ اثرات کے حوالے سے متعلقہ فورمز کو بھی آگاہ کر دیا گیا ہے۔
پاکستان کا ٹی 20 ورلڈ کپ میں شرکت اور بھارت کے خلاف میچ کے بائیکاٹ کا فیصلہ
