پاکستانی فنکاروں نے یوم شہدا کے موقع پر پولیس کے تمام شہدا اور ان کے اہلخانہ کو سوشل میڈیا پر ویڈیوپیغام کے ذریعے خراج عقیدت پیش کیا ہے۔
باغی ٹی وی : سوشل میڈیا پراداکارہ نیلم منیر نے کہا یوم پولیس شہدا کے موقع پرپولیس کے تمام شہدا اور ان کی فیملی کو دل سے خراج پیش کرتی ہوں۔ ہمارے پولیس افسران و اہلکار ہمارے پیارے ملک و قوم کے تحفظ کے لیے اپنی جانیں تک قربان کردیتے ہیں۔
شہدا کے مقروض ہیں انکی قربانیاں ہمیشہ یاد رہیں گی، آئی جی اسلام آباد
نیلم منیر نے کہا کہ پولیس کے تمام شہیداور ان کی فیملی کو سلام اور سلیوٹ پیش کرتی ہوں، میرا ایمان ہے کہ ان کی قربانیاں کبھی رائیگاں نہیں جائیں گی۔
پولیس یوم شہداء تجدید عہدِ وفا کا دن ہے آئی جی خیبرپختونخوا
سینئر اداکار سیفی حسن نے کہا 4 اگست وہ دن ہے جب ہم اپنے پولیس کے ان افسران اور جوانوں کو یاد کرتے ہیں جنہوں نے ہماری حفاظت کے لیے اپنی جانوں کا نذرانہ پیش کیا، میں سندھ پولیس کے تمام افسران و جوانوں کو سلام پیش کرتا ہوں۔
پولیس کے شہداء قوم کے ہیرو ہیں ہمیشہ ہمارے دلوں میں زندہ رہیں گے عثمان…
اداکار اعجاز اسلم نے کہا پولیس کے تمام شہدا کو خراج تحسین پیش کرتا ہوں، پولیس کے شہدا کا شکریہ ادا کریں کہ ان کی وجہ سے ہم سکون سے رہتے ہیں اور آزادی سے گھوم پھر سکتے ہیں۔
کرکٹر فواد عالم نے بھی پولیس کے تمام شہدا کو خراج تحسین پیش کیا-