مصنوعی ذہانت (AI) اب تک اردو سے مکمل طور پر آشنا نہیں تھی، جس کی وجہ سے انگریزی میں کم مہارت رکھنے والے پاکستانی اکثر اس سے فائدہ نہیں اٹھا پاتے تھے۔ تاہم امریکا میں زیرِ تعلیم پاکستانی نوجوان تیمور حسن نے اس خلا کو پر کیا اور AI کو اردو سکھا دیا۔
تیمور حسن نے اپنے دو ساتھیوں جواد احمد اور محمد اویس کے ساتھ مل کر پاکستان کا اپنا اردو چیٹ جی پی ٹی ماڈل تیار کیا ہے جسے ’’قلب‘‘ کا نام دیا گیا ہے۔ یہ ماڈل دنیا کا سب سے بڑا اردو لینگویج ماڈل قرار دیا جا رہا ہے۔
’’قلب‘‘ تقریباً ایک ارب 97 کروڑ الفاظ پر تربیت دی گئی ہے اور اسے سات سے زائد عالمی معیار کے ٹیسٹس پر جانچا گیا، جہاں اس نے موجودہ اردو AI ماڈلز کو پیچھے چھوڑ دیا۔
یہ ماڈل اردو زبان میں سوالات سمجھنے اور جواب دینے میں مکمل مہارت رکھتا ہے۔ طلبہ اس کے ذریعے اردو میں تحقیق اور اسائنمنٹس کے لیے مدد حاصل کر سکتے ہیں، جبکہ عام صارفین بھی جدید AI ٹیکنالوجی سے اپنی مادری زبان میں فائدہ اٹھا سکتے ہیں۔
پاکستانی نوجوان نے مصنوعی ذہانت کو اردو سکھا دی، دنیا کا سب سے بڑا اردو لینگویج ماڈل تیار
