پیپلز پارٹی ذمہ دار اتحادی، بائیکاٹ سیاسی غلطی ہے: عطا تارڑ

وفاقی وزیر اطلاعات عطا اللہ تارڑ نے کہا ہے کہ پیپلز پارٹی نے ہر مشکل وقت میں حکومت کا بھرپور ساتھ دے کر ثابت کیا ہے کہ وہ ایک ذمہ دار اور مضبوط اتحادی ہے، اور حکومت ان کے تعاون کو قدر کی نگاہ سے دیکھتی ہے۔

میڈیا سے گفتگو کرتے ہوئے انہوں نے مظفرگڑھ کے ضمنی انتخاب میں پیپلز پارٹی کے امیدوار کی کامیابی پر مبارکباد پیش کی اور کہا کہ یہ نتیجہ سیاسی عمل میں باہمی اعتماد اور تعاون کا مظہر ہے۔عطا تارڑ کا کہنا تھا کہ سیاسی عمل ہمیشہ مکالمے، کھلے دروازوں اور بات چیت سے آگے بڑھتا ہے، جبکہ مستقل مزاجی اور جمہوری شمولیت مضبوط سیاسی نظام کی بنیاد ہے۔ انہوں نے کہا کہ یہ تاثر غلط ہے کہ سیاسی شرکت کے بغیر اصلاحات ممکن ہیں۔

وفاقی وزیر اطلاعات نے زور دے کر کہا کہ سیاست میں سب سے بڑی غلطی بائیکاٹ کرنا ہے، کیونکہ کسی عمل میں شریک ہوئے بغیر دھاندلی کا الزام لگانا مناسب طرزِ عمل نہیں ہوتا۔ ان کا کہنا تھا کہ انتخابی عمل میں بھرپور شمولیت سے نہ صرف عوام کا اعتماد بڑھتا ہے بلکہ سیاسی جماعتوں کو بھی اپنی طاقت اور عوامی حمایت کا صحیح اندازہ ہوتا ہے۔

اسکول چھوڑنے کی بلند شرح،بلوچستان میں ارلی وارننگ سسٹم متعارف

ملائیشیا، کم عمر بچوں کے سوشل میڈیا اکاؤنٹس بنانے پر پابندی

انہوں نے مزید کہا کہ حکومت آئندہ بھی اتحادی جماعتوں کے ساتھ مل کر جمہوری عمل کو مستحکم بنانے کے لیے کام کرتی رہے گی