اسلام آباد: وزیراعظم الیکٹرک موٹر سائیکل اسکیم کے تحت سستی موٹر سائیکلیں اور رکشے حاصل کیے جا سکتے ہیں۔ انجینئرنگ ڈیولپمنٹ بورڈ کے سی ای او حماد منصور نے اے آر وائی نیوز سے گفتگو کرتے ہوئے بتایا کہ حکومت نے ای وی اسکیم کے لیے 100 ارب روپے مختص کیے ہیں۔
انہوں نے کہا کہ اس اسکیم کے تحت رواں سال ایک لاکھ 16 ہزار موٹر سائیکلوں پر فی موٹر سائیکل 80 ہزار روپے کی سبسڈی دی جائے گی، جب کہ الیکٹرک رکشا پر 4 لاکھ روپے کی سبسڈی ملے گی۔
حماد منصور نے مزید بتایا کہ اس اسکیم کا مقصد ماحولیاتی آلودگی کو کم کرنا اور پٹرول کی بچت کو فروغ دینا ہے۔
وزیراعظم الیکٹرک موٹر سائیکل اسکیم: سستی موٹر سائیکلیں اور رکشے حاصل کرنے کا موقع
