پاکستان سپر لیگ کے گیارہویں سیزن کا فائنل ممکنہ طور پر ملک سے باہر کسی نیوٹرل وینیو پر کرایا جا سکتا ہے۔
ذرائع کے مطابق پی ایس ایل 11 کا فائنل انگلینڈ، دبئی یا امریکا میں ہو سکتا ہے، اور فرنچائزز بیرون ملک فائنل کے حوالے سے مشاورت کے بعد حتمی فیصلہ کریں گی۔ پاکستان سپر لیگ کی مینجمنٹ اور فرنچائزز کے حالیہ اجلاس میں بیرون ملک فائنل کے امکان پر اہم گفتگو ہوئی۔
ذرائع کا کہنا ہے کہ امریکا اور انگلینڈ اس فائنل کی میزبانی کے لیے بہترین آپشنز سمجھے جا رہے ہیں۔ یاد رہے کہ سیزن 11 کا آغاز 26 مارچ سے ہو گا اور ایونٹ تقریباً ڈیڑھ ماہ تک جاری رہے گا۔
پی ایس ایل 11 کا فائنل ملک سے باہر نیوٹرل وینیو پر ہونے کا امکان
