پاکستان ٹیلی کمیونیکیشن اتھارٹی (پی ٹی اے) نے بیرون ملک مقیم پاکستانیوں کے لیے ایک بڑی سہولت کا اعلان کیا ہے، جس کے تحت وہ اپنی پاکستانی موبائل سم کو کہیں بھی ایکٹو رکھ سکیں گے۔
پی ٹی اے کے مطابق تارکین وطن بیرون ملک بھی اپنی موبائل سروس میں تسلسل برقرار رکھ سکیں گے اور قیام کے دوران ان کی سم بلاک نہیں کی جائے گی۔
اتھارٹی نے بتایا کہ اس اقدام کا مقصد سمندر پار پاکستانیوں کو سہولت فراہم کرنا ہے، اور سہولت سے فائدہ اٹھانے کے لیے بیرون ملک مقیم پاکستانی متعلقہ موبائل کمپنی سے رابطہ کر سکتے ہیں۔
پی ٹی اے نے کہا کہ اس اقدام کے ذریعے تارکین وطن کے لیے پاکستان سے رابطہ برقرار رکھنا اور آسان ہو جائے گا۔
پی ٹی اے کی بڑی سہولت، بیرون ملک پاکستانی اپنی سم ایکٹو رکھ سکیں گے
