پی ٹی وی نے کونسی نشریات بند کیں کہ پیپلز پارٹی ہوئی سیخ پا
باغی ٹی وی کی رپورٹ کے مطابق پی ٹی وی نے سندھی نشریات بند کر دیں
پیپلز پارٹی کے مرکزی ترجمان سینیٹر مولابخش چانڈیو کا کہنا ہے کہ پاکستان ٹیلی ویژن سے سندھی پروگرام اور نشریات کی بندش قابل مذمت ہے،عمران خان ایک ایجنڈے کے تحت الطاف حسین کی لسانی اور تنگ نظر سیاست کو آگے بڑھا رہے ہیں سندھ کی وحدت، ثقافت اور زبان پر حملہ برداشت نہیں کر سکتے ۔
مولا بخش چانڈیو کا مزید کہنا تھا کہ پاکستان ٹیلی ویژن پرسندھی پروگرامات اورنشریات کی بندش ناقابل فہم اور قابل مذمت ہے ،وزیر اعظم کا رویہ پہلے دن ہی سے سندھ دشمن رہا ہے۔ انہوں نے ملی یکجہتی کے بجائے ایک خاص ایجنڈے کے تحت الطاف حسین کی لسانی اور تنگ نظر سیاست کو آگے بڑھایا ہے۔
مولا بخش چانڈیو کا مزید کہنا تھا کہ سندھ کی وحدت، ثقافت اور زبان پر کوئی حملہ برداشت نہیں کر سکتے فوری طور پر پی ٹی وی پر سندھی پروگرام اورنشریات بحال کی جائے۔