قرض کی ادائیگی پر شہری کو ہراساں کرنے پر عدالت کا بڑا حکم
باغی ٹی وی کی رپورٹ کے مطابق اسلام آباد ہائیکورٹ میں قرض کی ادائیگی پر شہری کو ہراساں کرنے کے خلاف کیس کی سماعت ہوئی
قرض کی قسط ادائیگی نہ کرنے پر شہری کو ہراساں کرنے سے روکنے کے حکم میں توسیع کر دی گئی،چیف ایگزیکٹو نیشنل رورل سپورٹ پروگرام راشد باجوہ عدالت میں پیش ہوئے اور کہا کہ قرضوں کی ادائیگی کے لیے ایک سال کا وقت دیدیا گیا ،
چیف جسٹس اسلام آباد ہائیکورٹ اطہر من اللہ نے استفسار کیا کہ اسٹیٹ بینک کی کیا پالیسی ہے؟راشد باجوہ نے عدالت سے استدعا کی کہ عدالت کمرشل بینکوں کو بھی ہدایات جاری کرے،چیف جسٹس نے کہا کہ آپ نے یہ بہت اہم معاملہ عدالت کے سامنے اٹھایا ہے،
اسٹیٹ بینک کے نمائندے کی ہدایات لینے کے لیے وقت دینے کی استدعا منظورکر لی گئی، چیف جسٹس اطہرمن اللہ نے کہا کہ ایک بیوہ نے عدالت کو بھی ہاتھ سے لکھی ہوئی درخواست بھیجی ہے،وکیل نے کہا کہ عدالت میں کیس سے متعلق معلوم ہونے پر 3 شہریوں نے اسی نوعیت کی درخواستیں دیں،
چیف جسٹس اطہر من اللہ نے کہا کہ لوگوں کو قرضوں کی قسطوں میں ایک سال کی توسیع سے متعلق علم نہیں، لوگوں کی رہنمائی کےلیےاین آر ایس پی کے ریجنل دفاتر میں فوکل پرسن مقرر کر دیا جائے،