گزشتہ سال شوبز انڈسٹری سے کنارہ کشی اختیار کرنے والی رابی پیرزادہ نے تُرک صدر رجب طیب اردوان کو خراج تحسین پیش کیا ہے۔
باغی ٹی وی: رابی پیرزادہ نےسماجی رابطے کی ویب سائٹ ٹوئٹر پر اپنی دو تصویریں شیئر کی ہیں جن میں وہ تُرک صد رجب طیب اردوان کی پینٹنگ بناتی نظر آرہی ہیں۔
ٹوئٹر پرشیئر کردہ تصویروں کے ساتھ رابی پیرزادہ نے تُرک صدر کو خراج تحسین پیش کرتے ہوئے لکھا کہ رجب طیب اردوان عالم اسلام کے عظیم رہنماؤں میں سے ایک ہیں۔
رابی پیرزادہ نے لکھا کہ اُنہوں نے ہمیشہ اُمت مسلمہ کو متحد رکھنے کے لیے کوششیں کی ہیں اور دُنیا بھر میں مسلمانوں پر ہونے والے ظلم کے خلاف آواز اُٹھائی ہے۔
اُنہوں نے اپنے ٹوئٹ میں تُرک صدر کے لیے خواہش کا اظہار کرتے ہوئے لکھا کہ میری خواہش ہے کہ میں یہ پینٹنگ رجب طیب اردوان کو تحفے میں دوں۔