کم آمدنی والے افراد کے لیے بجلی اور گیس کے بلوں میں ریلیف

پاکستان میں کم آمدنی والے افراد کے لیے بجلی اور گیس کے بلوں میں ریلیف کی خبر ہے۔ وفاقی حکومت نے بجلی اور گیس کے نرخوں کے نظام میں بڑی تبدیلی کی تیاری شروع کر دی ہے۔ ذرائع کے مطابق موجودہ کھپت کی بنیاد پر نرخ مقرر کرنے کے طریقہ کار کو آمدنی کی بنیاد پر قیمتوں کے نظام میں تبدیل کرنے کی تجویز زیر غور ہے۔
اس تجویز کے تحت سبسڈی گھرانے کی آمدنی کو مدنظر رکھ کر دی جائے گی، نہ کہ استعمال شدہ یونٹس کی تعداد کی بنیاد پر۔ اس طرح توانائی کی قیمتوں کے تعین کا موجودہ نظام، جس میں نرخ صرف کھپت سے منسلک ہیں، تبدیل ہو جائے گا۔
نئے طریقہ کار کے تحت گھرانوں کی آمدنی کا تخمینہ لگا کر اسی تناسب سے سبسڈی فراہم کی جائے گی تاکہ مالی معاونت صرف مستحق صارفین تک محدود رہے، جبکہ زیادہ آمدنی والے گھرانے توانائی کی اصل لاگت کے قریب ادائیگی کریں