افغانستان میں طالبان حکومت کے دوران مارچ 2025 سے مارچ 2026 تک کم از کم 1186 افراد کو کوڑے مارنے اور 6 افراد کو قصاص کے تحت سرعام سزائے موت دینے کی اطلاعات سامنے آئی ہیں۔
جلاوطن افغان صحافیوں کے مرتب کردہ اعداد و شمار کے مطابق ملک کے مختلف علاقوں میں جسمانی سزاؤں کا سلسلہ جاری ہے، جن میں کابل، ہرات، بلخ، قندھار، ننگرہار، خوست، بدخشاں، پکتیا، پکتیکا اور فاریاب سمیت کئی صوبے شامل ہیں۔
رپورٹس کے مطابق گزشتہ سال کے آخری مہینوں میں ان سزاؤں میں اضافہ دیکھا گیا، جن میں تقریباً 100 خواتین بھی شامل ہیں، جبکہ متعدد سزائیں عوامی مقامات پر دی گئیں۔
انسانی حقوق کے کارکنان کا کہنا ہے کہ اس طرح کی سزائیں قانونی شفافیت اور بنیادی آزادیوں کے حوالے سے سنگین سوالات اٹھاتی ہیں اور معاشرے میں خوف کی فضا پیدا کر رہی ہیں۔
افغانستان میں جسمانی سزاؤں میں اضافہ، ایک سال میں ہزاروں کو کوڑے اور سزائے موت
