رشی کپورکی شئیر کی گئی پرانی تصویر نے سب کو حیران کر دیا

بالی ووڈ کے سینئر اداکار رشی کپور نے ایک پرانی تصویر شیئر کرتے ہوئے انکشاف کیا گیا کہ یہ کوئی خاتون نہیں بلکہ بالی ووڈ کے ماضی کے اداکار پران ہیں

سماجی رابطے کی ویب سائٹ ٹوئٹر پر رشی کپور نے ایک پرانی تصویر ٹوئٹ کی جس کے کیپشن میں انہوں نےلکھا کہ بوجھیں یہ کون ہیں اگر کوئی صحیح جواب جانتا ہے تو براہ کرم انکشاف کرنے سے گریز کریں جنہیں نہیں معلوم انہیں بوجھنے دیں کہ یہ کون ہیں میں آپ کو وقت دیتا ہوں اور اس کا انکشاف میں جلد ہی کروں گا


ٹوئٹر پر موجود صارفین کی جانب سے رشی کپور کی اس پوسٹ پر کئی لوگوں نے تُکّے لگاکر صحٰح جواب دینے کی کوشش کی اور کئی نے صحیح جواب دیئے

امیت نامی ایک ٹوئٹر صارف نے صحیح جواب دیتے ہو ئے انکشاف کیا کہ یہ لیجنڈری اداکار پران ہیں صارف نے اداکار پران اس تصویر کے پیچھے چھپی ساری کہانی سناتے ہوئے لکھا کہ ’پران اس وقت کنوارے تھے انہوں نے اپنے بڑے بھائی کی شادی پر یہ روپ دھار کر اپنی نئی نویلی بھابی کے سامنے اپنے بڑے بھائی کی محبوبہ ہونے کی اداکاری کی تھی اور یہ تصویر ان کے بیٹے سنیل سکندر کی جانب سے ان کی سالگرہ کے موقع پر پہلے ہی شیئر کی جا چکی ہے

جبکہ کئی اور صارفین نے بھی تصویر دیکھتے ہوئے اداکار پران کو پہچان لیا

بعد ازاں رشی کپور نے بھی امیت کے ٹوئٹ کی تصدیق کرتے ہوئے لکھا کہ یہ لیجنڈری اداکار پران خود ہیں آپ کو مبارک ہو آپ نے صحیح پہچانا


رشی کپور نے کہا کہ پران انکل بھیس بدلنے میں ماہر تھے ان کا یہ روپ کسی فلم کے لیے نہیں بلکہ گھر والوں سے ہی ایک مذاق کا حصہ تھا